حد عندوا اجابة لاسئلتي

ليه لما نيجى نمشى فى المطر لظروف إستثنائية بنروح رافعين أكتافنا لفوق ؟

هاتعملنا إيه يعنى ؟

***
ليه لما نحس إن إحنا دخلنا طريق غلط وإحنا سايقين العربية بنوطى صوت
الكاسيت أو راديو العربيه ؟

***
ليه لما بتكون بطارية الريموت شبه فاضية ، بنضغط على الزراير جامد ؟

***
ليه لما حد بيهادينا قلم جديد .. أول حاجة وإحنا بنجربه بنكتب إسمنا ؟

***
ليه بنقول هدية مجانية ..؟ مش المفروض إن الهدية تكون مجانية امال هتكون ايه ؟

***
ليه لما نكون جوه البيت والسماء بتمطر بنسأل هو الجو بيمطر بره ؟ هى
عمرها مطرت جوه ؟

***
ليه لما واحد يقولنا خلى بالك الحيطه لسه الدهان مانشفش مانصدقوش ونمد
صباعنا نتأكد ؟

***
ليه الخدمة بتكون سريعة لما المطعم او الكافيه يكون مليان أكتر من لما يكون نص نص ؟

***
ليه لما الواحد بيركن العربيه فى موقف فاضى اللى جاى وراك بيركن جنبك لزق فيك مع انها واسعه قدامه ؟

***
ليه دايما لما حد بيجري يلحق الأتوبيس تلاقيه
مبتسم أو بيضحك ؟

***
ليه بنفتكر إن لما ندوس على زرار الأسانسير كتير هاييجى بسرعة ؟ أو
مثلا ليه
لو واحد جه بعديك وأنت مستنى الأسانسير بيدوس على زرار الأسانسير ولا
كأنك موجود زى ما يكون هيركب واحد تانى غير اللى انت واقف قدامه ؟

***
ليه دايما عندنا إستعداد تام إننا نصدق أى حد بيكلمنا فى ودانا
بيوشوشنا ؟

***
ليه لما بنتصل بالتليفون .. دايما النمره الغلط مابتكونش مشغولة ؟

***

وليه دايما
لوحة أرقام التليفون أو الموبايل بتكون عكس لوحة أرقام الآلة الحاسبة
أو حتى
أرقام الكيبورد ؟

***

وبمناسبة التليفون ليه لما واحد يعطيك رقم تليفونه
بيقوله بسرعة ؟

***

وليه عمرنا ماإستمتعنا بالموسيقى فى التليفون لما نكون على
الإنتظار ؟

***
ليه لما بنصحى من النوم دايما بنحس إن كمية النوم ناقصها عشر دقايق وانك لو نمت كمان دقيقين خلاص هتفوق ؟
***


وليه .... وليه .... وليه .... وليه .... ؟؟؟