انا كدة

موضوع: انا كدة الجمعة فبراير 26, 2010 10:54 am

أنا زهقت خلاص

أنا زهقت

امبارح ولا النهارده ولا بكره
ايه الفرق ؟
زاد
يوم ولا نقص
عداد اعمالك شغال
يا ريت حتى كلامى ده يكون ليه فايده
كل
ما هنالك شوية حروف مرصوصه جنب بعضها
بتحكى حكايه ممله قصة فاشله ولا
مكرره معانيها قديمه
كام سنه مرت على الدنيا ومرت على كام واحد منا ايام
وليالى وساعات
ضحك شويه وبكى كتير
استنى وزعل وجرى ونام وصحى وكل
وشرب وحب وفشل واتعلم وكبر وإتجوز ولا زى
حالاتنا وباع واشترى ونزل
وطلع وخلف عيل ولا اتنين بنت ولا ولدين كذب وصدق
عمى واتكسح واتقطعت
اديه ولا رقبته اتشنق ولا إتهرس تحت قطر .. مات
فى الاخر مات

ههههههههههههههههههههههههههههههه

طب
ليه كل وجع القلب ده

ليه الزعل والخوف والكره والخناق والحروب
والكذب والنفاق والجروح والمآسى
ليه كل ده
طب ما اعيش فى حالى
ومالى
انا ومال الدنيا باللى فيها
ما تولع ولا تطق ولا حتى تتهد على دماغ
اللى فيها
ماهى فى الآخر موته وخلاص
سنة الحياه ورضيت بيها

شيطان
ونفس اماره بالسوء وشياطين الانس والجان ونساء الكون
كلهم ضدك يا بن
ادم يابن ال .. أحيانا بتكون هبله
مسحوا الموضوع ولا سابوه
غاظوك وما
ردوش ولا ردوا بمشكور
جه رمضان وبعده العيد كانت ايام بركه وراحت وجايه
تانى وهتروح وهتيجى تانى
وساعه تروح وساعه تيجى
على رأى المطرب
اياه
ايام وساعات والوقت اهو فات
زعلنا على المات وقلنا كان لسه صغير
والله ارتاح من ذنوب كتير كان لسه
هيعملها
حفرولك حفره ورموك فيها
وسابوك جنب كل كلاب الدنيا اللى عمرهم ما أزوك
يمكن هما اللى حاسين
بحالك دلوقتى
أما عن تحت واللى بيحصلك ده انت بس اللى هتحس بيه
عندك
بقى كل حاجه متوفره
بدأ من عم الأقرع
ونهاية بجهنم
أو نعيم يبدأمن
أول لحظه
النعيم اللى يا دوبك بنسمع عنه
وبنوهم نفسنا بيه أحيانا
مشاركات
وردود ونت وكمبيوتر ومنتديات وصحبه واخوه وحب وخناق وغيره وحقد
وغلاسه
وتباته ورزاله
فى ايه ؟
طب ليه ؟
اشمعنى ولا إمتى ولا إزاى ؟
مش
كده برده ولا أيه ؟
بيسموها هرتله
وبيسموها هذيان
بيسموها
بمزاجهم يسيبونا ولا يقابلونا يكلمونا ولا يفارقونا يقتلونا
ويدبحونا
بمزاجهم
انت
كل ما عليك تحب وتدوب وتخلص وتحب وتحب وتحب
وهم بمزاجهم
وكلها
مزاجات وعيش حياتك وكبر دماغك وإنسى
حاول تنسى
نسيت ؟
ولا لسه ؟
إنسى
بقى
يلا انا مستنى أهو
لما تنسى قولى

حاضر
بنسى أهو
هأنسى
أهو

آه
نسيت
قلبى
معاكى

شوفت مش بقولك أحيانا
بتكون هبله

ربنا يكون فى عونك يا عم

انت عايز ايه يا عم

مش
عايز حاجه

كنت عايز

وخلاص

هوا ما بقاش عايز

مش
مهم انا

طب إسكت

حاضر

بقولك أسكت

سكت

إسكت

موضوع: رد: انا كدة الجمعة فبراير 26, 2010 11:18 pm

[ندعوك للتسجيل في المنتدى أو التعريف بنفسك لمعاينة هذه الصورة]
GaMeeeeeeeeeeeeeeeeD
[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: انا كدة السبت فبراير 27, 2010 5:13 am

انا كدة الجزء الثانى

انا كدة ايوا
انا كدة حد ليه عندى حاجة

المحبة حالة عاطفية لدينا ياعنى ليست
بيدنا

انا اقابل واتعرف كل يوم على اعضاء كثيرون هنا

يوجد
منهم ما احبهم واميل اليهم

ويوجد ما اتناقض معهم واختلاف معهم

قد
يوصل حالة الخلافة الى التذمر والتطرف لكل واحد منا و..و..و الخ

ولكن
انا حر احب الى احبه واكره الى اكره

ما رايكم فيما ما اره واتبعه
واتاخذه مبدا لى

لست ملزما بمحبة احد ولكن ملزم انى احترم الجميع

والعكس
صحيح لستم ملتزمين ان تحبونى ولكنكم واجب عليكم ان تحترموينى

اذا
المحبة ليست ضرورية انما الاحترام واجب

ما رايكم بهذا المنطق

وانا كدة

مودتى للجميع
[ندعوك للتسجيل في المنتدى أو التعريف بنفسك لمعاينة هذه الصورة]

المصدر

[ندعوك للتسجيل في المنتدى أو التعريف بنفسك لمعاينة هذا الرابط]

موضوع: رد: انا كدة السبت فبراير 27, 2010 5:17 am

لا تعليق يليق

موضوع: رد: انا كدة الأربعاء مارس 10, 2010 1:22 am

انا ومال الدنيا باللى فيها
ما تولع ولا تطق ولا حتى تتهد على دماغ
اللى فيها

والله الراجل ده بيقول كلام زى الفل

موضوع: رد: انا كدة الأربعاء مارس 10, 2010 1:35 am

انتا جامد يا صاحبي