أقوال عن الخيانة

• الخيانة بتتطلب أكثر من صفة سيئة عشان تكتمل (زي الكدب والنفاق وفقدان احترام الذات).

• لو إنت مصمم على الخيانة، الانفصال هيكون أفضل شيء ممكن تعمله. الانفصال عمره بأي شكل من الأشكال ماهيكون مؤلم ولا مؤذي ولا مخزي زي الخيانة.

• مهما حاولت تبرر لنفسك باقتناعك بالخيانة، وبإنك ارتبطت بالشخص الآخر عشان خاطره وعشان إنت عاوز تسانده أو تساعده، فإن المبرر الحقيقي للخيانة بيكون أناني بحت وبعيد جدا عن التضحية.. زي ما مصر الجديدة بعيدة عن الهرم كده!

• لو إنت عارف إن شخص ما بيخون الإنسان اللي هو مرتبط بيه، وقلت الحقيقة للشخص التاني، ده مش بيكون فتنة.. لأن إنت بكده بتنقذ مشاعر إنسان من إنها تتحطم أكتر (لو اكتشف متأخر يعني). ده بخلاف إنك أكيد مش هتكون بتخدم أي من الطرفين إذا خبيت الحقيقة.

• أول خطوة للتخلص من الخيانة ومن الشعور السيء الملازم ليها هي الاعتراف بيها أصلا.

• سهل قوي إنك تخون تاني لو خنت مرة قبل كده من غير أمرك ما يتكشف.

• عدم قرب الطرفين من بعض على المستوى الإنساني والروحي، بيكون السبب الرئيسي في أي خيانة في الحب.

• مش معنى إنك شفت حد بيخون، يبقى الموضوع easy وممكن تعمل زيه.

• الخيانة هي أسوا ما يمكن حدوثه في علاقة حب!.

الموضوع ده جامد بجد
فعلا من اصعب الحاجات اللى الواحد ممكن يحس بيها هى خيانة اقرب الناس ليه
ومش شرط يكون اللى بيحبه
ممكن تكون خيانة من صاحب او حد قريب منك
انا جربت الاحساس ده وفعلا مش قادرة اوصفله مراره