ماهو الحب؟؟؟؟

عايزة اعرف رايك.....

كل واحد يدخل يقولى ايه هو الحب من وجهة نظره

يللا ف انتظار ردودكم

محدش ليه راى ولا ايه؟؟؟؟

الحب اجمل شعور بين شخصين

بيس لو كان حب حقيقي


وصعب تلاقي حب حقيقي حاليا

جميل ياسيدو بس عايزة توضيح اكتر

الحب احساس جميل وكبير وشايل جواه معانى احاسيس تانية كتير اوى
حب..سعادة..اخلاص..وفاء..تضحية..صدق..شوق..لهفة..حنان..خوف..احتياج..هدوء..استقرار
واكتر من كدة
الحب ده بحر واسع وخيره كتير
تلاقى حبيب يحبك ويخاف عليك وتكون اهم حاجة ف دنيته..يشاركك فرحك وحزنك والمك وجرحك
يعوضك عن كل اللى ناقص ف حياتك..يكونلك اب وام واخ وصاحب وحبيب وزوج
بس زة ما البحر خيره كتير شره برده كتير
ممكن تنجرح..ممكن تتخدع..ممكن تتخان..ممكن تتهان..ممكن كرامتك تضيع..ممكن تحس انك قليل اوى شئ تافه مالوش لزوم
الحب اصعب احساس ممكن تحسه وتعبرعنه..صعب توصفه بكلام..صعب تثبته بتصرفات..صعب تخرجه من جوه قلبك وتحافظ على قيمته بعد خروجه
واجمل لغة ممكن تعبر عن حبك بيها هى لغة الصمت.. وكلام العيون.. صدقنى عينيك هتقدر تقول كل اللى نفسك تقوله من غير ماتنطقه
مش ممكن الانسان يلاقى كلام يوصف اللى جواه صحيح بيحاول يعبر عنه لكن عمره مابيقوله زى مابيحسه تمام
الحب مش انك تكون مع حبيبك طول الوقت..مش انك تشوفه كل يوم..مش كلمة..مش لمسة..مش مسكة ايد..مش حضن..مش بوسة
الحب عطاء متبادل بين طرفين
الحب انك تفكر تقول اى كلمة ومن غير ماتقولها حبيبك يحس يحس بيها
انك وقت ماتكون محتاج لحاجة وتلجأله يديهالك من غير ماتطلبها
الحب الحقيقى بيستمر طول العمر مش بيموت الا بموت صاحبه


نصيحتى لكل حد يفكر يقول بحبك لحد يكون متاكد مليون ف المية انه هيقدر يكون كل ده لحبيبه
واوعى تصرح بحبك لشخص الا لما تتاكد انه هو كمان بيحبك
ويوم ماتفكر تحب ماتفكرش تكون ازاى مع حبيبك دلوقتى..فكر ازاى تكون معاه باقى حياتك كلها
ماتفكرش ف خروجة وفسحة وقعدة لطيفة
فكر ف بيت هادى..فكر ف استقرار..عشان تقدر تعيش حياتك مع اللى بتحبه وماتتحرمش منه


وبعد ماقريت كلامى ياترى عجبك؟؟
قولى بقى
ياترى انت حبيت او بتحب دلوقتى؟؟

على فكرة....ده رايي الشخصى مش موضوع ناقلاه من مكان تانى



ها يا أحمد اتعلمت ولا لسه؟؟

يا بختك يا ابو حميد ان دي اختك

اه والله العظيم يا بختك يا ابو حميد
وتسلمى يا رفيده على الافاده

يارب يكون كلامى عجبكم بجد

الحب فى نظرى

ان هو احساس بين اتنين بيحبوا بعض اوى

وعارفين معناه وحاسينه وبيعملوا بالى هما حاسينه

والحب ده احلى حاجة فى الدنيا

ميرسى ليك ياميزو وفعلا الحب ده اجمل حاجة ف الدنيا

الحب .....كلمة خادعة ليس لها معنى عندما تشعر بميل الى شخص اخر فلا تعتقد انك بدأت تحب بل تأكد انك بدأت مشوار من العذاب اما ينتهى بانفصالكما عن بعضكما او ينتهى بخيانة احدكم للأخر فما معنى ان تشعر بميل للأخر انه مجرد احساس او رغبه فلا ترمى بنفسك فى بحر من الظلمات حتى لايحدث لك ماحدث لفرد كره الحياة فى ليلة واحده من عمره واكتفى بالحب الفطرى لوالديك واخواتك واصحابك وهذا فعلا هو الحب وليس الوهم الذى نعيشه .
اعرف ان الكثيرين سينتقدوا رأيى ولكن هذه حقيق لو لم تشعروا بها الان ستشعروا بها لاحقا المهم ان العذاب لايوجد الا اذا وجد هذا الشعور فى حياتك واذا كنت ممن يحب فاعلم ان العذاب آتى لا محالة ولكن انتظر حتى يأتى.

مع احترامى لرايك طبعا ياصحفى بس اجمل حاجة ف الحب عذابه واللى مايتعذبش ف حبه مايستمتعش بيه
تفتكر الغيرة مش عذاب؟؟
لما تكون بتحب وبعيد عن حبيبتك بسبب شغل او غيره ده مش عذاب؟؟
لما تتجوز وتسافر وتبعد عن مراتك فترة ده مش عذاب؟؟
وغير كدة حاجات كتير بس برده الحب بيبقى موجود ف الحالات دى وبتستمع بيه جدا

لو كما تقولون ان عذاب الحب اجمل مافيه لكنت انا ملك القلوب وامير العذاب ولكن كل هذا هراء ما معنى ان تحب وعندما تعبر عن حبك ترفضك كلعبة قدمت الي طفلة يالرخص الانسان فى نظر هذا الشعور الذى تدعونه الحب انا لا الوم ولا اعاتب الحب ولكنى اكرهه ... اكرهه ... اكرهه.

سانتظركم جميعا ومازال الموضوع مفتوح ليقول كل منكم ماذا جنى من حبه وهل عذابه كما تقولون هو اجمل العذاب ... العذاب كله واحد يعنى الم ودموع وجراح.

صدقنى انت بس حساس اوى ومن موقف ممكن اتعرضتله ف حياتك بنيت كلامك ورايك ده ف الحب
انما الحب ده اجمل حاجة ف الدنيا والانسان ميقدرش يعيش من غيرها

الحب احساس عالى اوى بس الحب مش بيكمل غير لماااا يكون متبادل من الطرفين وبيبقى صعب اوى لما يكون من طرف واحد ساعات بينتهى بنهاية سعيدة الكل بيحكى فيهاااااااااااااااااااااااااا وساعات بينتهى بجرح القلب والخيانة ونرجع نقول ياريت اللى جرا ماكاااااااااااان

بس لازم يكووووووون فى الحب تضحية واخلالالالالالالاص الحب بيخليكى تحسى انك معاكى الدنيا كلهااااااااااا انك طايرة فى السماااا
بس الحب بيجى مرة واحدة فى العمر من المسيحيل لو ضاع منك الحب يتعوض تانى بسهووووووولة



بس المشكلة انى كنت فاهمة ان من غير الحب الحياة مش هتستمر والناااااس تموت بس لالالا على فكرا خالص


بجد انا كاتبة الكلام دااااااا من جوياااااااااااااااااااااااااااااا ياترى من وجهة نظركووووووووا صح ولا................

هو صح بس مش كله يابرسيس
الحب لو ضاع ممكن يتعوض لكن الاختلاف بيكون ف درجته
وشكرا لرايك الجميل ده