أحاسيس

موضوع: أحاسيس الثلاثاء فبراير 09, 2010 4:43 am

إحساس جميل انك تحب

تحس إنك لمست النجوم بإيدك

وتحس إن الحياة ليها شكل تانى

إحساس ممكن تكون لأول مرة بتعرفه

وتلاقى نفسك مش قادر توصفه

إحساس فوق المعانى .... فوق كل المعانى

والأحلى إنك تحب وتتحب

من إنسان يقدّر ويفهم معنى الحب
فى زمن صعب تلاقى فيه حد يحب....يحب بجد

مش منتظر مقابل لحبه

بيحبك لشخصك وطباعك وتفكيرك
ولكل حاجة فيك

صعب تلاقى دة

واذا انت حبيت بالشكل دة

صعب تلاقى اللى يفهم حبك بالطريقة دى

او يقدّر مشاعرك ويخاف عليهاا

دايما هتلاقيه بيبعد عنك

بيحاول يهرب منك

وهروبه دة دايما بيجرحك ويعذبك

وتبتدى تسال نفسك

ليه ميحاولش يقرب ومش يبعد

يمكن يكتشف فيك الجديد

وساعتها يمكن يحبك

وتُفاجأ انه لسة بيبعد

وانك ابعد مما تكون من حياته

بل ممكن تكون على هامش حياته

ويمكن مش دخلت حياته اصلاا

وساعتها هتلاقى نفسك بتضيع

وروحك بتغيب عنك

وتبدا تلوم نفسك ع الحب دة

وتفكر ليه بيحصلك كل دة

ذنبك انك حبيت بالشكل دة

ولا ذنب حبيبك انه محسش بيك

وكسر قلبك ورماه وسط طريق

مش لاقى فيه اللى ينجدك

من نار تفكيرك وحُرقِه قلبك

وخوفك على حبك

انه يضيع منك

الذنب لاذنبك ولا ذنب حبيبك

حبيت واخلصت...مش عيب

مقدِرش يحبك ولا يقَرب لك

برضه مش عيب

العيب انك تلومه على حبك ليه

وتحاول تخنقه بإتهامات مش ليه

وافتكر ان زى ما قلبك مش بإيده يحبه

هو كمان قلبه مش بإيده يحبك

وحاول تداوى جرحك بنفسك

لان إنت اللى صنعت جَرحك

بُحبك لإنسان مش مِلكَََََََك

.....ولا فكر فى يوم يِِِِِحبك

موضوع: رد: أحاسيس الأربعاء فبراير 10, 2010 3:44 am

[ندعوك للتسجيل في المنتدى أو التعريف بنفسك لمعاينة هذه الصورة]
SO NiCe SeDoo

موضوع: رد: أحاسيس الأربعاء فبراير 10, 2010 4:31 am

[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: أحاسيس الأربعاء فبراير 10, 2010 7:08 am

جميل اوى تسلم ياباشا ع الكلام التحفة ده

موضوع: رد: أحاسيس الأربعاء فبراير 10, 2010 2:47 pm

مرورك الاجمل

شرفتيني بحضورك