نظرتى فى الحب

موضوع: نظرتى فى الحب السبت يوليو 09, 2011 6:10 am

السلام عليكم ورحمة الله وبركاته

بصو بقي ياشباب انا في موضوع كده في دماغي عاوز اطلعكم عليه بس قبل ماتقرو الموضوع عاوزكم تتأكدو ان الموضوع دا في الاول والاخر مجرد هزااااااااار مش اكتر اوكي

الموضوع هو ...( نظرتى فى الحب ) !!

اولا الحب دا مضيعه للوقت فعلا بيضيع وقت البني ادم انا بشوف ناس بتفضل بالساعات طول الليل يرغو مع بعض ونفس ام الكلام اللي بيتقال النهارده هو اللي اتقال امبارح هو اللي هايفضل يتقال كل يوم مفيش جديد يعني

ثانيا الحب دا تضييع للمستقبل يعني تفتكرو انتو لما الواحد يسهر طول الليل يحب في الموزة بتاعته هايقدر يصحي تاني يوم يروح الشغل دا حتي لو ربنا كرمه وصحي من النوم وراح الشغل وشاف وش المدير هايكره نفسه ويكره اليوم اللي حب فيه ازاي بعد مايسمع صوت حبيبته اللي فاكر انه اجمل صوت في الدنيا يسمع صوت المدير وهو بيهزقه ويقوله اتاخرت ليه ياحيوان !

ثالثا الحب تضييع للعقل . فعلا والله ماشوفتش حد بيحب وعاقل كل اللي بيحبو مجانين او معظمهم مش هقول كلهم عشان الاقي حاجه اقولها لما اضرب اقول انا ماقولتش الكل مجانين المهم انا اعرف واحد صاحبي مجنون فعلا بيحب واحده قد امه وبساله حبتها على ايه دي بيقولي عقلها اللي يوزن بلد والست دي طالعه بشهاده من مستشفي المجانين عشان كملت نص المده يعني طلعوها شفقه كده والاقي واحد تاني بيحب واحده هبله ويقولي عشان قلبها الحنين والبت دي اصلا هبله لدرجه انها قتلت جوز امها عشان ال ايه قالها هاتيلي كوبايه ميه اشرب وكان هايموت من العطش والنبي دي واحده قلبها حنين اصلا

رابعا الحب دا افشل حاجه في الدنيا دا افشل مني وانا في الثانويه العامه انا متهيقلي من الكلام اللي بسمعه من الحبيبه عن الحب اني لما احب واحده هاحس اني اتعس واحد في الدنيا من الاشكال اللي تسد النفس اللي بشوفها الاشكال اللي بتحب يعني ماشوفتش واحد كرمه ربنا بيتكلم عن حبيبته بالخير ديما بينكدو عليا الله ينكد عليهم

خامسأ نهايت فيلم اللمبي احسن من نهايه الحب : تصدقو وربنا صح عالاقل في فيلم اللمبي محمد سعد اتجوز حلا شيحه وشكرا على كده لكن نهايه الحب عامله زي فيلم 45 يوم حاجه كده ماحدش يفهمها ماتعرفش احمد الفيشاوي مات ولا انتحر ولا حصله ايه في الفيلم الهابط دا

سادسأ الحب دا موضه قديمه جدا ومفيهوش جديد وممل ويجيب الضغط والسكر وصداع ويخليك احول واطرش وبتعض وتبقي شبه الغوريلا اللي لسه صاحيه من النوم وماغسلتش وشها وبقالها اربع سنين ماستحمتش ؟ّ!!

سابعا كفايا عليكو كده ونكمل مره تانيه ...................................

موضوع جااااااااااااااااامد

تسلم يا ابو حميد

تسلم ياحبيبي نورت الموضوع

وجهه نظر زى الفل تسلم

» متى يموت الحب ؟. وهل يعقل ان يتحول الحب الى كره
» هل الحب الثاني يمحي الحب الأول؟!؟!؟!؟!؟!؟!؟!؟!
» هل الحب يولد الثقة ام الثقة تولد الحب
» هل كل من تكلم عن الحب يدري ماهو الحب
» عيد الحب وكيفية تخطى صعاب الحب