مش عايز تتوب يا أخي المسلم

ايه اخبارك ؟

بتقعد على النت كتير ؟ من غير هدف ؟

-انت عارف بقا
وقت الفراغ والبحث بيجيب بحث والموقع بيجيب موقع

اوعى تكون بتقع عينك على صور كده ولا كده ولا بتدخل موقع اباحى

- امممممممممم وايه المشكلة يعنى ؟

- احنا مش لاقيين نتجوز ؟ ما انت عارف الظروف
- وبعدين ما كل الشباب بتتفرج ؟ جت عليا ؟
- وبعدين انا مش بعمل حاجة غلط هى دى بس وربنا غفور رحيم

كل اللى بتقوله موافقك عليه لانه منطقى بالنسبة لك

بس ممكن اطلب منك طلب ؟

- اطلب عنيا

ممكن تكمّل معانا السلسلة دى لحد الاخر
- حاضر ! بس أممممم

بس ممكن طلب كمان ؟ :)

- اتفضل طبعا
ممكن تقرأ الكلام بقلبك مش بعينك

- ازاى يعنى ؟
يعنى دخل الكلام في قلبك وفكّر فيه

- حاضر ماشى

خلاص خدت منك وعد انك هتكمّل معايا لحد الاخر وهتقنع نفسك بكلامى

نبدأ
على بركة الله
-------------------------------

بسم الله نبدأ

معانا يا اخى ؟
- اه ..يلا فاتح قلبى ومقعده يستنى علشان يقرا
معايا
ربنا يبارك فيك :)

انت عارف المواقع دى وخطورتها ؟

- ياعم مفيهاش حاجة متكبرش الموضوع
لا فيها بص معايا مخاطرها كده

1- بتضر جسمك وبتهلكه فى معصية الله

علشان الاستمناء والعادة السرية

وربنا هيحاسبك على جسمك وصحتك دى
هتقوله ايه ؟؟؟؟؟؟

2- انت كده زانى

- لااااااااا ياعم متكبرش الموضوع
كنا عملنا ايه يعنى ؟
دى صوووووووورة او فيلم على موقع

طيب اسمع معايا الرسول صلى الله عليه وسلم بيقول ايه :

"إن الله كتب على ابن ءادم حظه من الزنا أدرك ذلك لا محالة فالعين تزني وزناها
النظر واليد تزني وزناها اللمس والرجل تزني وزناها الخطى واللسان يزني وزناها
المنطق والفم يزني وزناه القبل والنفس تمنى وتشتهي والفرج يصدق ذلك أو يكذبه".

- يا خبررررررررر

شفت بقا انك بالنظر للمواقع دى انت بتزنى ؟

والزنا من ! الكبائر
طبعا ناهيك عن مخالفتك لامر غض البصر

3- استصغار الذنب

كل شوية تقول ما كل الشباب كده
وتهوّن على نفسك الذنب

اسمع كده قول الرسول صلى الله عليه وسلم
"إنَّ الرَّجُلَ ليتكلمُ بالكلمةِ
مِنْ رضوان الله لا يُلقي لها بالاً يرفعه الله بها درجاتٍ ، وإنَّ العبدَ ليتكلم
بالكلمة من سَخَطِ الله لا يُلقي لها بالاً يهوي بها في جهنَّم "

وركّز فى
كلمة –لا يلقى لها بالا-
يعنى استصغرها ومعملش حسابها
انت بتستصغر (الزنا)

وبعدين مش كل الشباب كده
فى شباب كويسين يا اخى
انت بس اللى شايف الوحش بس
علشان اصحابك او بمعنى اصح "شلة الانس"

4- مشاهدتك للصور
والمواقع دى هتخليك بعد الزواج مش سعيد

- كمااااااااااان بعد الزواج...
اه عارف ليه ؟
لان من تعجّل الشىء قبل اوانه عُوقب بحرمانه
تعجّلت لذة
وبطريق محرم قبل اوانها
تفتكر ربنا هيخليك تستمتع بالحلال

لا والله (وما ربك بظلام للعبيد)

(من يعمل سوءا يُجز به)

5- انت كده مش بتحب ربنا
- لااااااااااااا طبعا انا بحب ربنا
متقولش كلام وخلاص

انت بمشاهدتك
للصور دى بتوالى الشيطان وبتصاحبه وبتخالف امر ربنا ( ان الشيطان لكم عدو فأتخذوه عدوا)

ينفع تكون بتحب حد ومش بتطيعه ؟

تعصي الإله و انت تزعم حبه

لو كان حبك صادقاً لاطعته
إن المحب لمن يحب مطيع!! :)

6- الموت
- مش فاهم قصدك ايه ؟ كلنا هنموت
اكيد طبعا
يا أخى كلنا هنموت
بس انت عارف ان اللى بيموت على شىء يُبعث عليه
لو مت وانت بتشوف المواقع دى
هتبُعث يوم القيامة على وضعك ده
هتقابل ربنا ازاى ؟
هتقف بين ايديه ازاى ؟

7- لو بتنشر المواقع والصور دى بين اصحابك


هتاخد سيئات بكل واحد هيشوفها حتى لو مت السيئات هتجيلك لحد عندك وهيبقى العداد شغال يمعلم

- يا خبر ازااااااااااااى ؟ فهمنى


قال صلى الله عليه وسلم ,,,
من دعا إلى هدىً، كان له من الأجر مثل أجور من تبعه لا ينقص ذلك من أجورهم شيئاً،
ومن دعا إلى ضلالةٍ، كان عليه من الإثم مثل آثام من تبعه لا ينقص من آثامهم شيئاً !


- يااااااااااااااه
صعب اووووووووى اللى انت قلتهولى ده
مكنتش متخيل ان الموضوع كبير كده
هاعمل ايه دلوقتى ؟

هو ده المسلم بجد اللى بيحب ربنا

الحلقة الجاية فيها الحل
اوعى
تفوتهااااااااااا

---------------------
المقالة الثالثة :

-رجعتلك
الحمدلله
ايه اخبارك ؟
خدت القرار ؟ ولا عايز تستمر فى معصية اللى روحك بأيده ؟

- لا خلااااااااااااص خدت القرار بس دلنى ابدأ ازاى ؟ امشى ازاى ؟
الدنيا اتلغبطت عليا الحلقة اللى فاتت لما عرفت كمية الذنوب اللى
بعملها بمجرد انى افتح موقع زى ده او اشوف صورة

قولى الخطوات وانا همشى عليها

- ده وعد منك مش ليا
وعد منك لربنا سبحانه وتعالى
ربنا يبارك
فيك ويوفقك لتوبة نصوحة يرضى بها الله عنك

بص يا اخى الخطوات كالاتى :

1- التوبة.

صلى ركعتين بنية التوبة واستغفر كتير ومتسيبش قيام الليل
حتى لو ركعتين
وفضفض لربنا وعاهده انك هتسيب الذنب ده
وادعي كتير
ربنا يحفظك من اسباب الفتن
يلا توب مستنى ايه ؟ تعرف كام واحد من الشباب بيموت كل يوم ؟
مش يمكن اجلك قرب ؟
اعرف انك طالما ربنا وفقك انك تقرا المقالة دى يبقى بيحبك ورايدلك الخير

2- من أدمن طرق الباب اوشك ان يُفتح له

- معلش ممكن ترجمة السطر اللى فات

يعنى متملش التوبة حتى لو لاقدر الله
وقعت فى الذنب ده تانى
ارجع وتوب وادعى
اوووووووووووعى الشيطان يخليك تيأس
من رحمة ربنا
ويقولك انت مفيش فيك فايدة
لا يا أخى انت مسلم وربنا بيحبك

- انا ربنا بيحبنى ازاى ؟ وذنوبى دى كلها ؟
قال تعالى ( يحبهم ويحبونه)
بيحبك قبل ما تحبه

- يااااااااااااه ربنا كريم اوووووووووووى

شوفت ازاى
اوعى تيأس من رحمته بقا
3- حط لنفسك عقوبات لو رجعت تانى

يعنى صيام او صدقة بس تبقى عقوبة كبيرة ومؤثرة

4-افتكر الاسباب اللى خليتك تقع فى الذنب ده

فاكراها ؟ فكّرنى بيها تانى كده

- اه .. انا
عندى وقت فراغ كتير
بالله عليك ينفع يبقى فى مسلم عنده وقت فراغ انزل احفظ
قرآن ، اشغل وقتك ، انزل جيم ، روح كورسات
متسيبش وقت فاضى

- بس انا
معنديش اصحاب كويسين
بس كده جينا لمربط الفرس
انزل اقعد فى الجامع هتلاقى
اخوة بيترددوا على المسجد
اااااااااالزق فى واحد فيهم قله متسبنيش او اقولك

اشترك فى اى موقع اسلامى واتعرف على اخوة يساعدوك على امور دينك قلهم عايز اخ فى الله

اصدق الله يصدقك
لو فعلا نفسك تلاقى صاحب بجد ادعى ربنا كتير
وهتلاقيه على طووووول

- عندى مشكلة كمان الشهو ة

عليك بالصوم
فإنه لا مثل له
كتر من الصوم كتييييييييييييير وغض البصر علشان مثيرش الشهوة من الاول
وربنا يرزقك بزوجة صالحة
- يااااااااااااارب يا اخويا ياااارب


5- عليك بالمراقبة
- ازاى دى ؟

طبعا انت لما بتفتح المواقع دى
بتبقى لوحدك

- اه
لا مبتبقاش لوحدك بيبقى ربنا شايفك وانت عارف كده

بس محتاج تفتكر
اكتب على الكمبيوتر ورقة صغير ة فيها (ان الله يراك)
(لاتنظر الى صغر المعصية ولكن انظر عظم من اذنبت فى حقه)
وعبارات زى دى
وخلى خلفية الشاشة فيها حاجات زي كدة برضه
علشان لما الشيطان يوسوسلك تشوف
الورقة فتفكر ان ربنا شايفاك فمتقعش فى الذنب وتستحى من اللى خالقك


6- انك ان تفتحه تلجه لو اتفتح هتدخله

- ايوه ازاى يعنى ؟

يعنى من
الاصل متتعرضش لمواطن الفتن
- ازاى؟
احجب المواقع الاباحية والصور الاباحية
عن جهازك خااااالص
بحيث انك حتى لو بتتصفح عادى وظهرت صورة كده ولا كده

البرنامج يوقفها من الاول ويوفر عليك انك تدخل فى مشاكل
حمل من هنا

[ندعوك للتسجيل في المنتدى أو التعريف بنفسك لمعاينة هذا الرابط]

7-وانت خارج من البيت متنساش الذكر ده

قال : رسولُ اللَّهِ صَلّى اللهُ عَلَيْهِ
وسَلَّم : « مَنْ قَالَ يعنِي إذا خَرَج مِنْ بيْتِهِ : بِسْم اللَّهِ توكَّلْتُ
عَلَى اللَّهِ ، ولا حوْلَ ولا قُوةَ إلاَّ بِاللَّهِ ، يقالُ لهُ هُديتَ وَكُفِيت
ووُقِيتَ ، وتنحَّى عنه الشَّيْطَانُ »

ياااااااااااااه خد بالك كده من كلمة
(كفيت) يعنى ربنا كفاك انك تنظر نظرة وحشة
يعنى هيحميك :)

8- اذكار الصباح والمساء وصلاة الفجر
* صلاة الفجر يبقى انت فى ذمة الله
* اذكار الصباح والمساء متسيبهااااااااش
وخاصة الذكر ده
اللهم عافنى فى بدنى, اللهم عافنى فى سمعى ,اللهم عافنى فى بصرى , لا اله الا انت , اللهم انى اعوذ بك من الكفر
والفقر و واعوذ بك من عذاب القبر لا اله الا انت ( ثلاثا حين تصبح وثلاثا حين تمسى)

خد بالك من عافانى فى بصرى دى :)
محتاجينها

9- اكثر من التعوذ بالله من الشيطان الرجيم خاااااااصة لما تحس انه بيوسولك

10- اكثر من الاعمال الصالحة
قال تعالى : ( ان الحسنات يذهبن السيئات)

ها خدت القرار ؟

- اه خلاص الحمدلله وهمش على الخطوات

طيب متنسنيش من دعائك وساهم
معانا فى نشر الموضوع
وخد ثواب واحد يتوب

بجد والله موضوع جميل جدااااااا


وفوق الوصف

ربنا يحميك ويحفظك ويجعله في ميزان حسناتك

واتمنالك كل التوفيق

[ندعوك للتسجيل في المنتدى أو التعريف بنفسك لمعاينة هذه الصورة]

ܥ۩ CheTa ۩ܥ كتب:

شكرا علي المرور يا شيتا

نجمة المنتدى كتب:

بجد والله موضوع جميل جدااااااا


وفوق الوصف

ربنا يحميك ويحفظك ويجعله في ميزان حسناتك

واتمنالك كل التوفيق

[ندعوك للتسجيل في المنتدى أو التعريف بنفسك لمعاينة هذه الصورة]

الله عليكي يانجمة المنتدي

بجد كفاية عليا شوية الدعوات الجمال دول

وربنا يحميكي يارب ويحفظك

شكرا علي مرورك الجميل ده وردك الاجمل

الموضوع راااااااااااااااائع

بجد تسلم ايدك


[ندعوك للتسجيل في المنتدى أو التعريف بنفسك لمعاينة هذه الصورة] تمنياتنا لك بالتوفيييييييق الداااااااائم [ندعوك للتسجيل في المنتدى أو التعريف بنفسك لمعاينة هذه الصورة]