بحبها و مش حينفع اتجوزها

بحبها و مش حينفع اتجوزها
ازيكم ازيكم عمرو جاى وجايب توبيك اوعاااااااا وشك
والله أنا امبارح
اه امبارح
او اول امبارح مش فاكر
المهم
كنت قاعد مع اصحابى
وقعدنا نرغى فى حوارت وبتاع
واحد قال لواحد فيهم اية يا ابنى مش هتخطب البت اللى بتحبك دى
قال كملة غريبة اوى
طبعاعايزين تعرفو الكلمة
قال
البت اللى مشيت معاها لا يمكن اتجوزها ابدا
انا قمت بق وقولت لية لية ياعم
قالى زى ما مشت معاية ممكن تمشى مع غيرى
وشايف واحد جاى من بعيد بيقول كلامة صح يا عمور
اقول لية لية ياعم الامور

ممكن سؤال انت بتحبها؟
اة
طب لية بتقول انك مش هينفع تتجوزها لو كملتوا مع بعض؟
لان ماينفعش اتجوز واحدة مشيت معاها في يوم
مشيت هنا بمعنى ارتبطت
طب وفيها اية مش انتو الاتنين بتحبو بعض
اة
طب اية المشكلة انك تتجوزها
انها سمحت لنفسها تكلم واحد وتخرج معاه وتحبة وكدا
مش اللى بتخرج معاه وبتحبة وبتكلمه دا يبقي انت
وانا اعرف منين انها مش هتقول كدا لاى واحد تانى
مش هتقول كدا لاى واحد تانى لانها بتقولك انت وبتحبك انت
حتى لو ... كفاية انها عملت كدا
طب ده هيا بتعمل كدا وعلاقتكم ببعض محترمة جدا....امال لو كنت غلطت معاها كنت هتقول اية
واحد تانى رد - نعم ..غلطت معاها دى ماعرفهاش تانى اصلا واستحاله افكر انى اتجوزها لانها ممكن تغلط مع حد
تانى يبقي ازاى اتجوزها
اولا هيا غلطت معاك انت مش مع حد تانى ثاني
ثانيا هيا عملت كدا عشان بتحبك انت مش بتحب حد تانى ولو مش بتحبك عمرها ماكانت عملت كدا
وانت كمان (للاولانى) تقدر تقولى اية المشكلة انها تكلمك وتحبك
المشكلة انها بكدا مش محترمة ومتستاهلش تكون مراتي لانها سمحت لنفسها تحب واحد وتكلمو وتخرج معاه
ومفيش -اى حاجة رسمية مابينهم
طب ياابني ما هو لازم ترتبط باللى ناوى تتجوزها عشان تعرفو بعض كويس قبل مايكون فية بينكم اى حاجة رسمية-
امال انت ناوى تتجوز ازاى
لا انا يوم ما هتجوز عمرى ما اتجوز واحدة مشيت معاها في يوم
معنى كدا انك هتتجوز جواز صالونات ماما تشوفلك بنت كويسة وبنت ناس وانت تقوم رايح تقعد في الصالون وتطلب
-ايد البطيخة المقفولة اللى ماتعرفش هيا بنت ناس فعلا ولا لا وممكن تكون كانت مرتبطة زيك قبل كدا وكمان
متعرفش اذا كانت شخصيتها تنفعلك ولا لا

طبعا مش كل الشباب كدا
انا من وجهه نظري في الموضوع ده
ان لو حد ربنا رزقه بواحده بتحبه اوي يصونها ويتقي ربنا فيها ويحافظ عليها وبلاش يبعد عنها ويجرحها
مايحاسبهاش ع الماضي اللي حصل قبل ماتعرفه المهم بعد ماعرفته هيا بقت ايه وتصرفاتها بقت ازاي
يمكن ربنا بعته ليها عشان تتغير للافضل واحنا بشر مش ملايكه او رسل عشان نبقى معصومين من الغلط
متعرفش مش يمكن لما تسيبها عشان فاكر انها مش محترمه وبتعتبرها كده من منظورك ممكن البنت تتجرح وتتعذب
وربنا يوقعك في شر اعمالك وفي البنت اللي تكسر قلبك وتشوه سمعتك ويكون انتقام من ربنا عشان ياخد بحق البنت
اللي انت جرحتها وكسرت قلبها

في رائي اللي بيفكر بالطريقه السلبيه دي ويقول مش هتجوز واحده مشيت معاها ده اكبر مغفل
لان حتى لو عرف غيرها هيا هتكون بنت طبيعيه زيها مش هتلاقيها يعني مكتوب على جبينها الطاهره الشريفه
العفيفه
ماهي اغلب البنات بتمشي وتتعرف وتقابل وتحب ماهو لو كل بنت قالت مش هخرج ولا هتعرف يبقى مش
هيتجوزوا الشباب وهتبقى انانيه من البنت
والشاب لاهيطول ابيض ولا اسود وهيبقى قدامه 100 سنه عشان يتجوز ماهو لو كل حاجه ميسرة للشباب
وسهله والفلوس موجوده والشقه جاهزة محدش كان هيمشي كل ده وكان هيمشي بما يرضي الله
وكل حاجه على المكشوف وواضحه والاهل عارفين كل حاجه بس الظروف اللي حكمت بده
معتقدش ان البنت اللي تضحي بسمعتها وتعصي ربها عشان شاب كل ذنبها انها حبته ومستحملاه تستاهل كل

الجرح ده

انتم ايه رايكم فى الموضوع ده