عاوز ترخم على اى بنت فى اى حته >>ادخل هنا

انا فكرت احط جهاز كشف معادن على باب التوبيك عشان
اللى داخله بسلاح ميتهورش عليا
بس ربنا يستر

نبدا بقى الكورس
اول حاجه

1- لو انت راكب عربيه

عدى جنبها وزمر على اخرك

او تعالى قدامها ودوس بنزين على اخرك عشان الدخان يبقى للسما

وياسلام لو كنت راكب عربيه شكمانها بايظ

هتخلى البت من الهباب الاسود اللى عليها شبه الغوريللا اللى من غير شعر

الحل الامثل للرخامه
تخبطها بالعربيه وتروق دماغك

2- ازاى ترخم على بنت فى الجامعه

فى حاجات كتير اوى ممكن تعملها

مثلا

لو انت واقف مع اصحابك وشايفها جايه
قول (مين الاتوبيس اللى راجع علينا بضهره دا )

ويا سلام لو كنت مظبط مع اصحابك انها اول ما تيجى تضحكو بصوت عالى
تفطسو من الضحك يعنى

طبعا البت هتحس ان فيها حاجه غلط ولا مناخيرها وقعت منها فى الطريق وهى مش واخده بالها
هههههههههههههههههههههههههه

ولو مشافتكش من زمان وجايه تقولك ازيك يا سيدو عامل ايه
طبعا ترد عليها بتناكه وغلاسه وتقولها
هكون عامل ايه يعنى ؟؟ولا عاوزانى اقوم ارقص عشان شفتك
وتقوم سايبها وماشى >>> طبعا اجرى بسرعه لانها ممكن تقلع اللى فى رجليها وتجرى وراك

لو جايه تطلب منك حاجه بص فى عنيها بكل بجاحه
و اضحك فى وشها ضحكة بتناكه كدا
وبعدين سبها وامشى من غير ما ترد

طبعا لو قعدت فى مدرج ادخل جوه وسبها هى على الطرف (دا قبل ما الدكتور يدخل )
عايزك كل شويه تقوم وتقولها لو سمحتى عدينى
عايزك على كدا 10 مرات وفى الاخر قلها قومى اقعدى على الارض احسن ما تقومى كل شويه
حاجه كمان
اطلب منها كشكول محاضرات وانتو قاعدين فى المدرج
خده شغبط عليه شويه ورجعه تانى بكل بساطه
لو هى بتحب واحد وانت عرفت الموضوع
طبعا تسيحلها
يعنى لو انت واقف مع الواد اللى بتحبه
قوله بصوت عالى
يا عم متعبر البت اللى هتموت عليك دى ولا هى مش من مستواك
لو بنت بتبصلك وتضحك قرب منها وقول
حاسبى وانتى بتضحكى لتوقعى طقم اسنانك

لو جايه تقولك بحبك موت
انت بتحبنى ؟؟؟
طبعا ترد عليها برخامه
احب مين يا بت دا انا احلى منك
وطبعا تروح تنشر الخبر دا فى الجامعه كلها

لو حاجه وقعت منها على الارض
اوعى تعمل واد جتنل وتوطى تجبها
لا انت تدوس عليها برجلك وتمشى وعادى خالص
لو هى ضحكت بصلها بقرف ودور وشك

3- ازاى ترخم على بنت فى الشارع

لو انت واقف فى بلكونة البيت وهى معديه تحت
اقل واجب انك ترش عليها ميه

لو معديه فى الشارع باليل
البس قناع الصرخه واطلعلها فى اى شارع ضلمه

او تفرقع تحتها كام صاروخ كدا

لو معديه فى الشارع روح عليها وقولها مش انتى اللى سرقتى عجلت اخويا الصغير
وعاوزك بقى تزعق وتعملها مولد فى الشارع

لو دخلت محل ادخل وراها وصاحب المحل جه يدلها طلبها
تزعق انت وتقول ازااااااااااى انا جاى قبلها
ولا عشان هى بنت بعنى
وطبعا تجرى لان اكيد الراجل هيضربك

4 - ازاى ترخم على خطيبتك

طبعا فترة الخطوبه احلى فتره فى حياة الولد والبنت
بس معايا هتبقى اخر رخامه

طبعا القاعده الاساسيه فى الرخامه
اوعى تصرف عليها مليم
خليها هى اللى تصرف عليك

لو انت قاعد معاها فى مكان شاعرى وتقولك بتحبنى يا شيتا
قلها لا ابوكى اللى مجوزك ليا تخليص حق

لو بتكلمك فى موضوع ان المظاهر مش كل حاجه
قلها طبعا امال انا حبيتك ازاى وانتى حوله ومناخيرك شبه البطاطسايه

لو رحت معاها فرح واحده صاحبتها
طبعا اوعى تجيب هديه
ويا سلام لو تفتكس اى حاجه وتتتخانق معاها وتزعق فى وشها وتمشى

لو بتتصل بيك وبتقولك عاوزه نخرج النهارده
قولها مش فاضى اصل عندى معاد مع البت سوسو صاحبتك

لو عزمتها فى مطعم وهى بتاكل قلها بالراحه شويه الاكل دا مش ببلاش
ولو جت تاكلك باديها قلها بلاش اصل انا بقرف

لو ركبت معاها تاكسى انزل فى اى حته فى الطريق ودبسها فى الاجره
وتعمل نفس الحركه لو كنتو مع بعض فى محل بتشترو حاجه

لو قالتلك اى بنت مش بزمتك انا مالية عليك حياتك
قولها: ايوة بس لو ماكنتش عرفتك كانت محفظتى هتفضل مليانه

5-ازاى ترخم على بنت بتكلمها على النت

لو جت تكلمك على الميل وداخله تقولك ازيك يا فودا تستنى شويه
وبعدين تدخل تقلها كلمينى وقت تانى عشان مش فاضى

لو بتقولك ممكن نتعرف قلها
اترمى فى جنب الوقتى اما اخلص مع البت بتاعت الفيس بوك

لو بنت ضافتك على الميل ارفض الاضافه وابعتلها رساله قلها
مبحبش البنات اللى بتتلقح عليا

لو بتكلم واحده صاحبتك وبتقولك انت فين ؟بقالك كتير مفتحتش
قلها بكل رخامه وانتى مالك ؟؟ كنتى من بقيت اهلى

لو فتحتلك الكاميرا قلها هى الكام بايظه ولا انتى اللى شكلك كدا
هتقولك هو فيا ايه غلط
قلها مش عارف مناخيرك طالعه بين عينيكى > دا عيب خلقى ولا واخده شلوت فيها من تحت فاترفعت ؟؟

لو بنت ضفتها ومردتش تكلمك قلها ايه التنااااااااااكه دى يا بت
دا العيال ادولى ميلك وقالولى اجبر بخاطرها اصلها مش لاقيه

وطبعا لو جت تكلمك بعدها تنفضضضضضضض

لو بتكلم واحده وبتقولك باى عشان انا هقفل
قولها ما تقفلى وانا مالى ؟؟؟

اوعو تزعلو يا بنات
انا بهزر هزار رخم بس
ههههههههههههههههههههههه

وانا لا اضمن سلامة اى شاب لو حب يجرب حاجه من الكلام دا

او غير كل ده يا فوده
اذا كان عليك خليك بطبيعتك
ههههههههههههههههههه
حد فهمنى

شور يا حبي انت عارف ان انا علي طول بطبيعتي و انت عارف طبيعتي كويس بس انا بحب افهم الجماعه الي طبيعتهم مش زينا يعني حاجه يتعلموها للزمن و ده اول كورس و ده مجاني بعد كده الكورس ب ميايه و الاستشاره ب خمسينايه

انا فاهم

Aked lazem tkon fahem omal tb2a sa7ea FoDa w CheTa ezay lw mosh fahem ya 7opy

تضرب نفسك وانا موجود عيب والله ده واجب علينا king

هههههههههههههههههههههه

الله عليك يا فودا

» عاوز تنجح خليك ارهابى اه والله ادخل وشوف
» مين عاوز يلعب
» عاوز ترحيب من نااار
» عاوز تصحية من النوم
» اجمل 30 جمله قلوها عن الحب .....وهى تحكى عن المرأه..!, عاوز