img(460,167)]http://mo3afa.com/vb/images/smilies/wlc4mm.gif[/img]




اهلا وسهلا بيك ف احلى منتدى

منتدى توضيـــــــــــــــــــــــــــب

يسعد منتدانا بااستقبال من هم بمثل شخصك

ليكون مميزا بين المميزين وانت لها

فااهلا بيك في منتدانا الذي يتشرف بمن هو مميز

مع خالص تحياتنا وتقديرنا


ẁẽĺςÖMĘ ŢǾ Ţaẁdẽẽb
 
الرئيسيةالبوابهس .و .جبحـثالمجموعاتالتسجيلدخول

شاطر | 
 

 ملامح مصر فى رمضان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mohammed shehata
أحلى زبون وصاحب مكان
أحلى زبون وصاحب مكان


عدد المساهمات : 106
نقاط : 202
السٌّمعَة : 0
تاريخ التسجيل : 05/07/2011
العمر : 22
العمل/الترفيه : لسه طاااااااااااااااااااااالب
المزاج : cooooooooooooooooooooool

مُساهمةموضوع: ملامح مصر فى رمضان    السبت أغسطس 13, 2011 8:04 pm


كل عام والأمة الإسلامية كلها بخير وسلام اعاد الله عليكم شهر رمضان الكريم بالخير واليمن والبركات حبيت اوريكم رمضان في مصر شكله ايه واعيشكم شوية في جو مصر الرمضاني

الاستعداد لرمضان

اولا وقبل رمضان ما يبدأ لازم نستعد بالزينه والأنوار في الشوارع و المساجد كمان بتتزين بفروع الإضاءة الملونه وطبعا الفوانيس تملا الشوارع والبلكونات ولازم يشتروها الأطفال زمان كانت الفوانيس بالشمعه دلوقتي الصين مش مخليه ضيعت ملامح الفانوس علي الآخر مرة تعمله كرومبو ومرة تخليه تكتك وأعتقد ان الفوانيس السنه دي هتبقى على شكل خالد سعيد و اعلام مصر


نيجي بقي للأكل وياميش رمضان ده أساسي والتين والمشمش المجفف واالتمر وقمر الدين والمكسرات بأنواعها كل ده لازم يكون في البيت قبل الشهر الكريم ما يبدأ ومحلات العطارة بتتزين وبتتفنن في عرض الياميش وبيبقى مهرجان و الكنافه بتبقي مختلفه في رمضان بتبقى يدوى ومابتتعملش كده غير في شهر رمضان وبس والقطايف
وطبعا من الأطباق الرمضانيه في وجبة السحور الفول وإن خلص الفول أنا مش مسئول :)

وكمان الزبادي اساسي في السحور ده طبعا غير المشروبات العرقسوس والتمر هندي وقمر الدين
لو اتكلمنا عن الأكل مش هنخلص و هيتنقل الموضوع لقسم مطبخ الصبايا :)
خلينا ندخل في شكل الشوارع قبل الفطار بساعه وهو تحضير موائد الرحمن اللي بتنتشر بكثرة في مصر واللي عرفته إن الأمير احمد بن طولون هو أول من أقام مائدة الرحمن في مصر ولو ادن المغرب عليك وانت في الشارع ما تقلقش لأنك هتفطر من حيث لا تدري

مدفع رمضان

مدفع الإفطار إضررررررررب ...... مدفع الإمساك إضررررررررب المدفع بيضرب مرتين مرة للفطار قبل ادان المغرب مباشرة ومرة قبل أدان الفجر و المدفع ده ليه قصص ظريفه

(1)
تروي كتب التاريخ أن والي مصر في العصر الإخشيدي "خوشقدم" كان يجرب مدفعًا جديدًا أهداه له أحد الولاة، وتصادف أن الطلقة الأولى جاءت وقت غروب شمس أول رمضان عام 859 هـ وعقب ذلك توافد على قصر "خوشقدم" الشيوخ وأهالي القاهرة يشكرونه على إطلاق المدفع في موعد الإفطار، فاستمر إطلاقه بعد ذلك.

وفي رواية اخري أن محمد علي الكبير والي مصر ومؤسس حكم الأسرة العلوية في مصر من عام 1805 كان يجرب مدفعًا جديدًا من المدافع التي استوردها من ألمانيا في إطار خططه لتحديث الجيش المصري، فانطلقت أول طلقة وقت أذان المغرب في شهر رمضان، فارتبط صوته في أذهان العامة بإفطار وسحور رمضان،

والذين أطلقوا على ذلك المدفع "الحاجة فاطمة"، لارتباطه بشهر رمضان، وكان مكانه في قلعة "صلاح الدين الأيوبي".

صلاة التراويح

من الظواهر والملامح الأساسية لرمضان بمصر أن تمتلئ مساجدها بالمصلين،وهو ما يدفع بعض أئمة المساجد في أول جمعة من رمضان إلى توجيه خطبة توبيخية اعتاد المصلون سماعها كل عام عن السبب في عدم وجود هذا العدد الضخم في أيام السنة العادية، وتذكيرهم بأن "رب رمضان هو رب كل العام"! كما تشهد صلاة القيام (التراويح) إقبالاً شديدًا، خاصة في الأيام العشر الأواخر، وليلة ختم القرآن. وأيضا الإقبال على صلاة التهجد، التي تمتد من منتصف الليل حتى وقت السحور، كذلك يكثر الاعتكاف في المساجد الكبرى، وتصل ذروة الفعاليات الرمضانية في ليلة ختم القرآن؛ حيث يتوافد آلاف المصلين على المساجد الكبرى: كجامع "عمرو بن العاص" منذ صلاة الظهر

المســــــــحراتي

اصحى يا نايم صحي النوم داحنا بقينا في شهر الصوم ورغم ان معظم الناس بتبقى صاحية إلا انه لازم يعدي ويطبل بالطبله بتاعته وينادي بأسامي الأطفال الموجدين في كل شارع ( عادة واتعودنا عليها وحبناها ) وترجع حكاية المسحراتي للعصر الفاطمي عندما أمر الحاكم بأمر الله الفاطمي جنوده بالمرور على البيوت والطرق على أبوابها ليلا ليوقظوا النائمين لإدراك وجبة السحور. ومع مرور الأيام حرص أولو الأمر من الحكام الذين تولوا أمر البلاد على تعيين رجل يختص بوظيفة المسحراتي فى مصر وكان يتقاضى أجرا من الدولة نظير قيامه بهذه المهمة. ورمضاااااااااااااااااااان كريم
الرجوع الى أعلى الصفحة اذهب الى الأسفل
SeDoo
CoManDa
CoManDa


عدد المساهمات : 5603
نقاط : 7377
السٌّمعَة : 4
تاريخ التسجيل : 09/11/2009
العمر : 23
العمل/الترفيه : www.TaWDeeB.Hooxs.Com
المزاج : كلنا ك القمر ......... لنا جانب مظلم

مُساهمةموضوع: رد: ملامح مصر فى رمضان    الأحد أغسطس 14, 2011 10:17 am

tslam ya man

7lwa gdn


هنــاك من يرانى أميـــر..وهنــاك من يرانى حقيـر..لا اعــلم كيــف ولمـــــاذا ..... !!ولكني أثق بنفســى وبأخلاقي فـما دمت أمشـي مستقيملا لا يهمنى اذا ظهــر ظلي للناس أعـوج


SeDoo



[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://www.TawDeeB.HooXs.com
mohammed shehata
أحلى زبون وصاحب مكان
أحلى زبون وصاحب مكان


عدد المساهمات : 106
نقاط : 202
السٌّمعَة : 0
تاريخ التسجيل : 05/07/2011
العمر : 22
العمل/الترفيه : لسه طاااااااااااااااااااااالب
المزاج : cooooooooooooooooooooool

مُساهمةموضوع: رد: ملامح مصر فى رمضان    الإثنين أغسطس 15, 2011 4:50 am

شكرا ياسيدو
الرجوع الى أعلى الصفحة اذهب الى الأسفل
 
ملامح مصر فى رمضان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ««۩ TAWDEEB ۩»» :: ♥ 3aL 2hWa ♥-
انتقل الى:  

Google 1+
TAWDEEB CHAT BOX
widgeo.net
like
Alexa

LIKE TAWDEEB
Review www.tawdeeb.hooxs.com on alexa.com