موضوع جامد (كلام في الحب وعن المشاكل العاطفية في الحب) للشباب والبنات

[ندعوك للتسجيل في المنتدى أو التعريف بنفسك لمعاينة هذه الصورة]






بسم الله الرحمن الرحيم
تكلم معنا بكل صراحة عن الحب وعن الكراهية وعن العداوة اتكلم من قلبك

اشكي وقول كل اللي جواك
اتكلم عن حبك القديم
اتكلم عن حب لسة محبتوش
اتكلم عن حب مستمر (زي السمنة علي العسل)انت وحبيبك
اتكلم عن فتاة احلامك او فتا الاحلام
اتكلم عن خيانة حصلتلك
واتكلم عن حب حبيتة من قلبك وهو ولا حس بيك

الكلام معانا هيكون من القلب يعني
اللي عندو قلب وحاسس بلكلام دا من قلبة يدخل ويحكي معنا
او اللي عندو مشكلة وعاوز حل ليها يحاول انو يتكلم من قلبة معنا
وبجد اكيد هنلاقي حلول يامة اوي ومش انا لوحدي اللي هحل
المشاكل لا في ناس هيكون عندها مشاكل وهتحل مشاكل الغير
لو الموضوع هيكون جميل صدقوني المشاكل والحلول هنلقيها في ادينا
مستني اول الكلام واول المشاركات



شكراااااااااااااااااااااااااااااا



مع تحياتى

شيتا بجد موضوعك ده فمرته حلوة اوى

وانا حبتدى

بص هو انا حبيت واحدة بس مكنتش عامل حساب اصلا او تقدر تقول مكنتش فدماغى خالص

كان واحد صاحبى بيحب واحدة ودى كانت صحبتها فقالى ولا ايه رأيك لو تحب البت دى وكده بدل مانت كده مش بتكلم بنات قلتله ماشى

فكلمها وقلها ان انا بحبها وعاوز اكلمها وكده يعنى

فهى قالتله خليه يكلمنى قلها ماشى

ادانى الرقم وكلمتها بعدها ب نص ساعة

وقلتلها قالتلى محمود انت بجد بتحبنى طبعا انا كنت عاوز اكلمها كده وخلاص

المهم قلتلها اه بحبك

قلتلى طيب والبنتين اللى انت كلمتهم قبلى قلتلها الاولى دى زى اختى وعمرى ماحبتها وانت عارفة كده

انما التانية انتى عارفة هى ايه وطلعت مش كويسة

قالتلى اوك انا موافقة

قفلت السكة فوشها

وبعدين اتصلت بيها تانى وقلتلها انتى قلتى ايه

قالتلى موافقة

قلتلها يعنى ايه ؟؟

قلتلى يعنى انا بحبك وغير كده انا اصلا كنت معجبة بيك من زمان وانت عارف ان البنت مينفعش ان هى تروح للولد وتقوله انها بتحبه

فانا لما عرفت ان انت بحبنى حبيت ان انتأكد ان اللى كلمتهم قبلى مش فحياتك

المهم كلمنا بعض سنتين بس فى السنتين دول مكناش بنحب بعض

احنا كنا بنموت فبعض لان انا حبيتها وكده يعنى

المهم هى بقى بعد سنة ونص لقت نفسها بتتغير وبتتعاكس

فقالت انا اكلم واحد بس ليه وهوفيه كتير عاوزين يكلمونى

المهم بقت تكلمنى وتقفل معايا وتكلم غيرى

ولما اعرف انها كلمت حد واسألها تقلى لأ مكلمتوش

المهم انا اتخنقت فقلتلها ملكيش دعوة بيا وانا كليش دعوة بيكى

وحبعدها حسيت ان انا عملت حاجة غلط لان انا كنت بحبها اوى

تعرفوا لما تكون حاجة غليا اوى على الواحد وتضيع منه وهو واقف مش عارف يعمل حاجة

انا كنت كده بس انا حاولت ان انا اكلمها تانى وكده

هى اللى رفضت فضل حبها جوايا ولحد دلوقتى فاكرها وفاكر كل كلمة كانت بتقلها وكل كلمة قلتهالها

بس خلاص لو دلوقتى هى عاوزة ترجعلى فانا عمرى ماحوافق ارجع ليها لان دلوقتى بقى مشيها مش كويس خاااااااااااااااااااااااااااااااالص

على فكرة انا بقالى 9 شهور سايبها بس هى كانت كل فترة تكلمنى وكده يعنى بحجة انها بتطمن عليا علشان وحشها صوتى

بس ده كل الموضوع